Shqipëri, parashikimi i motit

Sipas njoftimit të Shërbimit Meteorologjik Ushtarak, vendi ynë do të vijojë të ndikohet nga kushte atmosferike relativisht të paqëndrueshme.

Moti parashikohet me alternime kthjellimesh dhe vranësirash. Priten reshje shiu të herëpashershme me intensitet të ulët, kryesisht të karakterit lokal përgjatë zonave malore.

Era do të fryjë nga juglindja – jugperëndimi, ndërsa në mbrëmje drejtimi i saj do të kthehet nga verilindja me shpejtësi mesatare rreth 6 m/s. Në det, valëzimi pritet të jetë i qetë, me forcë 1-2 ballë.