Shpërthen festa në Mitrovicë, Trepça kampione

Trepça është shpallur kampione e Kosovës në basketboll pas triumfit në “Minatori” ndaj Bashkimit.

“Minatorët” i mposhtën “Arpagjikët” në serinë e gjashtë të finales me rezultat 82:67, duke e çuar serinë në 4:2.

Vendasit e nisën ndeshjen më mirë se mysafirët, ku çerekun e parë e fituan me pesë pikë më tepër, 27:22, ndërsa diferencën e krijuan në të dytin, të cilin e fituan me 10 pikë më tepër, 18:8, njofton Klankosova.

Bashkimi arriti që ta fitonte çerekun e tretë, me dy pikë më tepër, 17:19, por që nuk ndikoi shumë në rrjedhën e lojës deri në fund.

Por, Trepça nuk lejoi që ndeshja të pësonte befasi, pasi triumfoi edhe në periodën e fundit me rezultat 20:18.