Shënoi golin e fitores në Champions, Çalhanoglu: Asllani është vëllai im i vogël! Ai dëshiron të luajë, por ka nevojë për…

Hakan Çalhanoglu ishte protagonist në triumfin 2-1 që Interi arriti në shtëpi ndaj Salcburgut, në duelin e tretë të grupeve të Champions.

Mesfushori turk realizoi golin e fitores nga pika e bardhë e penalltisë në minutën e 64-t, duke i siguruar 3 pikë të arta zikaltërve.

Në prononcimin e dhënë pas ndeshjes për “Mediaset Infinity”, Çalha foli edhe për Kristjan Asllanin, duke e konsideruar mesfushorin shqiptar si vëlla, teksa u shpreh se Asllani dëshiron të luajë, por ka nevojë për durim.

FITORJA- Ishte thelbësore të fitonim sot, ne e dinim, Salcburgu është një ekip i ri, i fortë që luan me entuziazëm. Ishim të vëmendshëm dhe të përqendruar, e meritonim të fitonim. Pas Torinos nuk ishte e lehtë të rikuperonim menjëherë forcën tonë, por bëmë më të mirën tonë. Në fund, rezultatet janë të rëndësishme.

GOLI ME PENALLTI- Nga jashtë mund të duket e thjeshtë, do të përpiqem të jem gjithmonë i përqendruar. Një penallti të ndryshon lojën edhe nëse e humb. Jam i përqendruar 100%, nuk dua të humbas asnjë penallti. Falënderoj shokët e mi, e merituam fitoren.

KRISTJAN ASLLANI- Nuk është e lehtë, por Asllani po rritet. Ai është vëllai im i vogël, është i fortë, dëshiron të luajë, ka nevojë për durim. Ne jemi një ekip, duhet të qëndrojmë të bashkuar. Të gjithë janë të rëndësishëm. Unë bëj më të mirën për këtë fanellë.

TIFOZËT- Ka kaq shumë emocione, kjo gjë nuk mund të shpjegohet. Mund ta jetosh vetëm. Jam shumë e lumtur, i falënderoj të gjithë sepse pa to ne jemi asgjë. /PS/