“Ronaldo i hapi dyert” – Mourinho thotë se e konsideron si mundësi të jetë trajner në Pro Ligën Saudite

Jose Mourinho, e ka lavdëruar Cristiano Ronaldon, që ka hapur dyert për të gjithë në Arabinë Saudite, duke treguar se e konsideron mundësinë për të punuar një ditë në Pro Ligën Saudite.

Mourinho thuhet se është angazhuar në diskutime me drejtorin sportiv të Al Shabab vetëm një javë pas ndarjes me Romën. Ndërsa mediat spekulonin për refuzimin e ofertës së Al Shabab nga ana e tij, me Mourinhon që sqaroi se ai kishte marrë propozime të shumta nga klubet saudite, duke përfshirë Al Hilal dhe Al Ahli më herët gjatë sezonit. Pavarësisht joshjes financiare, Mourinho vendosi të qëndrojë i përkushtuar ndaj Romës, për dashurinë dhe respektin për skuadrën e Serie A-së.

Prania e fundit e Mourinhos në Arabinë Saudite, e shënuar nga paraqitjet në ngjarje sportive si ndeshja e boksit e Anthony Joshua dhe Çmimi i Madh i Arabisë Saudite, nxiti spekulime për të ardhmen e tij në Lindjen e Mesme. Megjithatë, Mourinho sqaroi se vizitat e tij aktuale në Arabinë Saudite janë kryesisht rekreative, duke treguar se ai nuk po nxiton në asnjë angazhim menaxherial.

Në një intervistë me Fabrizio Romano, Mourinho tha: “Cristiano hapi derën për të besuar se është e mundur të jesh atje dhe të jetosh atje, të shijosh zhvillimin e një vendi që dëshiron të jetë një vend ndryshe me futbollin që ka një pasion por nuk është zhvilluar. Kur e kam pasur propozimin, sigurisht ekonomikisht ka qenë i rëndësishëm por ishte më e rëndësishme për mua me Romën, futbollin evropian dhe angazhimin aty. Nëse më pyesni në të ardhmen, përvoja më ka thënë kurrë mos thuaj kurrë”.

Teksa shpjegoi vizitat e tij të fundit në Arabinë Saudite, Mourinho tha: “Nëse më pyesni pse po udhëtoj në Saudi, sot do të udhëtoj në Saudi, sepse do të shijoj tre ditë, duke parë boks, duke parë Formula 1 dhe duke qenë me disa miq, jo sepse do të nënshkruaj kontrata, sepse tani kam kohë deri në fund të sezonit për të marrë vendimin e duhur për mua.”

Skuadrat e Arabisë Saudite do të përballen me konkurrencën nga Chelsea dhe Newcastle United pasi dyshja e Premierligës dëshiron që portugezi të marrë drejtimin dhe t’u japë atyre një drejtim të ri. Konkurrenca evropiane gjithmonë e ka intriguar Mourinhon dhe mbetet për t’u parë nëse ai refuzon Arabinë Saudite për të tretën herë për të vazhduar në Evropë. /nacionale/