Roma humbet Dybalan, argjentinasi mungon ndaj Milanit

Paulo Dybala do të mungojë në ndeshjen e radhës në kampionatin italian, që Roma do të luajë kundër Milanit në “San Siro” të dielën në mbrëmje.

Argjentinasi luajti vetëm pjesën e parë në derbin kundër Lazios në Kupën e Italisë, pasi u zëvendësua nga trajneri Mourinho për shkak të një dëmtimi.

Lojtari nuk u stërvit me skuadrën ditën e sotme dhe u vizitua nga mjekët e Romës.

Është e sigurt mungesa e tij në ndeshjen e ardhshme kundër Milanit, ndërsa në orët e ardhshme do të kryhen kontrolle më të specializuara për të përcaktuar shkallën e dëmtimit.

Nuk ka qenë një sezon i mbarë ky aktuali për Dybala, që për shkak dëmtimesh ka munguar në 7 ndeshje të Romës deri më tani.