Roma dhe Atalanta ndajnë pikët në derbin italian

Roma dhe Atalanta kanë ndarë pikët në derbin e fundjavës në elitën e futbollit italian.

“Romakët” dhe Atalanta luajtën baras 1-1, të dielën në “Olimpico” të kryeqytetit italian.

Dueli mes këtyre dy skuadrave që synojnë të sigurojnë një vend që dërgon në zonën e Ligës së Kampionëve, ka dhuruar një sfidë interesante pavarësisht se u shënuan vetëm dy gola.

Skuadra mike më mirë e nisi lojën dhe vetëm pas tetë minutave ia doli të kalojë në epërsi përmes T. Koopmeiners.

Skuadra e Jose Mourinhos nuk vonoi shumë dhe me anë të Dybala-s (39’) nga penalltia barazoi shifrat në1-1.

Të dy skuadrat patën rastet e tyre edhe në pjesën e dytë të lojës, por gola më nuk kishte.

Pas këtij barazimi, Roma është e teta me 29 pikë, një me pak se Atalanta që është e gjashta.