Rikthehet Liga e Kampionëve, spikat përballja Real-Atletico

Emocionet e Ligës së Kampionëve rikthehen sonte me katër ndeshjet e para të 1/8 së finales.

Elita e futbollit evropian, tashmë ka hyrë në fazën më të ‘nxehtë’.

Real Madrid-Atletico Madrid është padyshim kryendeshja e sfidave të sotme në garën më të madhe evropiane.

Derbi madrilen si gjithnjë parashikohet të sjellë një ndeshje të fortë dhe dramatike për 90-të minuta.

PSV Eindhoven-Arsenal është një tjetër ndeshje joshëse që do të luhet sonte, derisa Borussia Dortmund para tifozëve të saj sfidon Lillën e Edon Zhegrovës, kurse, dueli Club Brugge-Aston Villa, është sfida e parë e ndeshjeve të sontme që nis në orën 18:45.

Sonte takohen:

18:45, Club Brugge-Aston Villa

21:00, Borussia Dortmund-Lille

21:00, PSV-Arsenal

21:00, Real Madrid-Atletico Madrid