Real Madridi vjen me një tjetër ofertë për Alexander-Arnold

Real Madridi mund të bëjë edhe një tjetër përpjekje për të nënshkruar me mbrojtësin e Liverpoolit Trent Alexander-Arnold, por do të jenë të lumtur të presin deri në verë nëse lideri aktual i Premierligës refuzon ta shet.

E ardhmja e Alexander-Arnold është në krye të vëmendjes shkaku që i skadon kontrata në fundin e sezonit, ndërsa te “Los Blancos” e shohin si adekuati për ta zëvendësuar Dani Carvajal.

“The Athletic” raporton se Reali është optimist se mund ta marrë anglezin në verë, sidoqoftë do të bëjnë edhe një përpjekje për ta marrë në janar shkaku i dëshirës për ta fituar prapë Ligën e Kampionëve.

Liverpooli refuzoi të negocionte për Alexander-Arnold kur u kontaktua për herë të parë nga Madridi, kësisoj bisedimet nuk avancuan as deri te çmimi i mundshëm.

Madrilenët e dinë se po vuajnë në pozitën e krahut të djathtë shkaku që Carvajal mungon deri në verë, kësisoj opsioni i vetëm natyral është Lucas Vazquez, i cili ka dëshpëruar me disa paraqitje.

Mbetet të shihet nëse Liverpooli do të ndryshojë mendje për ta shitur Alexander-Arnoldin, megjithatë Reali nuk do të ofrojë mbi 20 milionë euro.

Alexander-Arnold ndërkohë “flirtoi” me Realin duke bërë me dije se ëndërron të bëhet mbrojtësi i parë i krahut që e fiton Topin e Artë, që është shumë më e mundur të realizohet nëse je në fanellën galaktike.