Real Madridi me përmbysje të çmendur mposht Dortmundin, ja të gjitha rezultatet

Real Madridi ka shënuar fitore të thellë në shtëpi ndaj Borussia Dortmundit, në Ligën e Kampionëve.

Edhe pse ishin në disavantazh prej 0:2, “Los Blancos” e përmbysën në 5:2 për t’i arkëtuar pikët e plota.

Dortmundi e nisi për mrekulli, ku Donyell Malen kaloi gjermanët në epërsi pas asistimit të Guirassyt (30’).

Vetëm katër minuta më vonë, Gittsën e dyfishoi epërsinë pas një asistimi të Malen (34’).

Dortmundi vazhdoi të dominojë duke krijuar edhe disa raste, me Real Madridin që dukej e “vdekur” në këtë pjesë. Rastet e vetme që i kishin ishin traversat e goditura nga Jude Bellingham e Rodrygo.

Megjithatë, madrilenët në pjesën e dytë treguan krejtësisht fytyrë tjetër. Fillimisht në stilin e tyre, brenda tre minutave e barazuan rezultatin.

Antonio Rudiger mori një asistim fantastik nga Kylian Mbappe për ta ngushtuar epërsinë (60’), ndërsa tre minuta më vonë Vinicius Jr e barazoi rezultatin (63’).

Ishte Lucas Vazquez që e dërgoi “Santiago Bernabeun” në festë me një solo gol, ku me një goditje precize e përmbysi epërsinë (83’).

Kurse, fitoren e vulosi vetë Vinicius Jr me një supergol nga distanca pasi mori topin nga gjysma e fushës (86’).

Braziliani në fund edhe e kompletoi het-trikun duke dribluar tre futbollistë dhe me një goditje të fuqishme e ktheu Dortmundin në Gjermani (90+4′).

Real Madridi tani renditet në pozitën e 11-të me gjashtë pikë, ndërsa Dortmundi bie në vendin e gjashtë me po aq pikë.

Te gjitha Rezultatet: