Reagon Lewandowski: Ja përse i kritikova shokët e skuadrës

Prej dy ditësh një nga temat kryesore në mediat polake ka qenë intervista e Robert Lewandowski, i cili ka kritikuar shokët e skuadrës por dhe drejtuesit e futbollit në vend.

Të hënën, snajperi i Barcelonës u takua me gazetarët gjatë një konference për shtyp. Natyrisht, ka pasur edhe një referencë për intervistën e fundit. Lewandowski tregoi pse vendosi të zhvillonte një bisedë të sinqertë.

“Dua të përfundoj temën e intervistës sime dhe pse e dhashë atë. Besoj se kjo tronditje dhe të thuash të vërtetën ka kuptim që kombëtarja të formësojë karakterin e saj pas asaj ndeshje me Moldavinë” – tha Lewandowski.

“Unë shpresoj se kjo do të jetë një pikë kthese. Besoj te djemtë dhe te ky ekip. E dimë se jemi në një pozitë të vështirë, por gjithçka është përpara nesh. E dimë se për çfarë po luajmë tani, sa të rëndësishme janë këto dy ndeshje për ne, në çfarë duhet të fokusohemi”.

“Prandaj e dhashë këtë intervistë, jo për t’iu përgjigjur pyetjeve rreth ndeshjes së fundit kundër Moldavisë dhe se çfarë po ndodhte, por për t’u fokusuar në ndeshjet e radhës”, siguroi ai.

“E kuptojmë se ndeshjet e radhës janë vendimtare për ne. Besoj se ky ekip do të ngjitet tani. Jemi të vetëdijshëm se kjo është një sfidë e madhe, por nuk do të kemi frikë prej saj. Ne e dimë se çfarë gabimesh kemi bërë, çfarë kemi gabuar. Shpresoj që secili prej nesh të gjejë më të mirën tek vetja dhe ta tregojë atë në fushë”.