Rashford në Milan? Kjo është përgjigja e Ibrahimoviçit

Zlatan Ibrahimoviç ka folur për mundësinë e transferimit të sulmuesit të Manchester United, Marcus Rashford.

Ibrahimoviç mendon se Rashford do të ishte lojtar ideal për skuadrën ‘Rossonere’. Sipas tij, sulmuesi anglez mund të luajë në të gjitha pozitat.

“Kam luajtur me të kur ai ishte i ri, ndërsa tani ai është më shumë burrë. Ai di të luajë në të djathtë, në qendër, në të majtë. Ai mund të luajë në çdo pozicion,” ka thënë Ibrahimoviç.

“Nuk e di nëse do të jetë e vështirë ta bindim atë, pasi Milani është një nga klubet më të mëdha në botë. Të gjithë duan të luajnë për Milanin, por është një operacion i vështirë. Nuk kemi biseduar ende me të,” ka shtuar ai.