Ranieri: Barazimi me Milanin, rezultat real

“Barazimi me Milanin, është rezultat real”. Kështu është shprehur trajneri i ‘romakëve’, Claudio Ranieri.

Milan dhe Roma luajtën baras 1-1, të dielën mbrëma në derbin e madh italiane.

Strategu italian pas ndeshjes tha se ishte një ndeshje e bukur, ku sipas tij, të dy skuadrat u munduan të fitonin ndeshjen.

“Ishte një ndeshje e bukur dhe plot gjallëri, ku të dyja skuadrat u përpoqën të fitonin”, ka thënë Ranieri.

“Por barazimi është rezultat i drejtë. Kjo ndeshje argëtoi tifozët e Milanit dhe Romës”, ka përfunduar ai.

Pas këtij barazimi, Milan zë vendin e tetë me 27 pikë, kurse, Roma ka shtatë pikë me pak në pozitën e dhjetë.