PSG u tregon derën pesë yjeve të ekipit: Në listë edhe Neymar dhe Verratti

Neymar dhe Marco Verratti janë ndër pesë lojtarët me emra të mëdhenj që u është thënë se mund të largohen nga Paris Saint-Germain këtë verë, pasi trajneri i ri Luis Enrique nuk llogarit në ta.

Vera e turbullt vazhdon te PSG, me bombën e fundit që ka dalë nga klubi, ku trajneri i ri Luis Enrique, u ka thënë pesë lojtarëve se janë të lirë të kërkojnë klube të reja.

Neymar, Marco Verratti, Hugo Ekitike, Juan Bernat dhe Renato Sanches të gjithë janë informuar se janë të tepërt në “Parc des Princes”.

Sipas gazetës franceze RMC Sport, ka pasur një takim privat midis Luis Enrique, drejtorit sportiv Luis Campos dhe secilit lojtar individual, ku janë njoftuar në lidhje me largimet e tyre nga klubi.

Mbetet për t’u parë se si do të ecin kampionët aktualë të Ligue 1 këtë sezon, pas largimit të Lionel Messit dhe sagës së vazhdueshme që rrethon të ardhmen e Kylian Mbappe.

Neymar thuhet se i ka thënë tashmë klubit se dëshiron të larohet më herët, dhe duket se ndjenja është e ndërsjellë.

Një grup prej 15 lojtarësh të padëshiruar – të quajtur ‘skuadra e bombave’ duke përfshirë edhe Mbappen – tashmë po stërvitet larg grupit të parë të PSG-së.

Parisienët e fillojnë sezonin e tyre 2023-24 me një përballje në shtëpi kundër Lorient në Parc des Princes të shtunën. /telegrafi