PSG nuk dorëzohet, 80 milionë euro për të mbajtur sulmuesin në Paris

Edhe pse pothuajse të gjitha burimet deklarojnë se është arritur një marrëveshje për transferimin e Mbappé tek Reali i Madridit për sezonin e ardhshëm, sipas “Le Parisien”, PSG nuk është dorëzuar ende.

Klubi francez po bën edhe një tentativë të fundit për të bindur sulmuesin që të qëndrojë në Paris dhe i ka propozuar një rinovim të kontratës që skadon në qershor, duke i ofruar një pagë prej 80 milionë euro në sezon.

Gazeta franceze shton se nëse Reali nuk i garanton Mbappes të njëjtën pagë (ose më të lartë) se Vinicius dhe Bellingham, atëherë ai do të rinovonte me PSG-në.