PSG mund Angers-in, prek titullin e trembëdhjetë në historinë tyre  

Paris Saint-Germain është kampion i Francës. Ky është verdikti pas fitores 1-0 të parizienëve në ‘Parc des Princes’ kundër Angers.

Skuadrës së Luis Enrique-s, të cilës i nevojitej vetëm një pikë për të fituar titullin e trembëdhjetë në historinë e saj, e siguroi trofeun kur kanë mbetur edhe gjashtë ndeshje deri në fund falë golit të Doué në minutën e 55-të, të shënuar pas një asistimi nga Kvaratskhelia.

Tani ekziston ëndrra e ‘Tripletës’ për t’u kultivuar, me çerekfinalet e Ligës së Kampionëve që do të luhen dhe finalen e Kupës së Francës me Reims të planifikuar për në fund të majit.

Nga ana tjetër, Angers mbetet në 27 pikë dhe do të duhet të sforcohet deri në fund për të mbijetuar.