Protagonist në 2 nga 3 përballjet e tetorit, Lautaro zgjidhet “lojtari më i mirë i muajit”

Ashtu siç pritej, “bomberi” argjentinas i “zikaltërve” të Inter, Lautaro Martinez është shpallur lojtari më i mirë i muajit tetor, në kampionatin italian të futbollit, Serie A, ku padyshim nuk ka munguar as rivaliteti për kapitenin e nënkampionëve të Evropës.

Në votim, sulmuesi i Inter ishte përpara qendërmbrojtësit brazilian, Bremer nga Juventus, anësorit gjeorgjian, Khvicha Kvaratskhelia nga Napoli, “fantazistit” italian, Riçardo Orsolini nga Bolonja, anësorit amerikan Christian Pulisic nga Milan dhe mesfushorin argjentinas, Matias Soule nga Frosinone.

“Demi” i sulmit të Inter triumfoi falë dy golave vendimtar të shënuar, teksa ishte vendimtar në 2 nga 3 përballjet e “zikaltërve”, më konkretisht në barazimin, 2 me 2, ndaj Bologna dhe fitores 0 me 3, ndaj Torino.