Prizrenasit triumfojnë në Gjakovë

Bashkimi shënoi fitore ndaj Vëllaznimit në Gjakovë me shifrat 61:67 (14:16, 13:17, 19:13, 15:21), në javën e 23-të të Superligës së Kosovës në basketboll.

Ndeshja në Gjakovë ka qenë mjaft interesante, ku nga fillimi është luftuar për çdo top. Pjesa e parë ishte pothuajse, ku çereku i parë përfundoi 14:16, derisa i dyti 13:17, për të shkuar në pushim me shifrat 27:33.

Por, kuqezinjtë nuk u dorëzuan dhe në periodën e tretë arritën përmbysjen në 44:40, kurse shifrat pas 30 minutash ishin 46:46. Megjithatë, në dhjetë minutat e fundit dhe vendimtar, mysafirët ishin më të mirë për të fituar 61:67.

Trey Anderson ishte më i miri te vendasit me 28 pikë e 11 kërcime, kurse te mysafirët Wendell Green kishte 18 pikë, Lejson Zeqiri 17 dhe Erik Copes 14.

Vëllaznimi ka 11 fitore e 12 humbje, derisa Bashkimi 16 fitore e shtatë humbje.