Prishtina dhe Debatik Curri ndajnë rrugët

Prishtina ka njoftuar se ka vendosur të ndaj rrugët me trajnerin, Debatik Curri.

Skuadra nga kryeqyteti përmes një njoftimi në Facebook ka bërë të ditur largimin e trajnerit.

“Shkëputet kontrata me marrëveshje me kryetrajnerin, Debatik Curri. FC Prishtina falënderon kryetrajnerin e deritanishëm, Debatik Curri për kontributin e dhënë në skuadrën tonë”, thuhet në njoftim.

Curri me Prishtinën ka arritur ta fitojë Kupën e Kosovës në edicionin 2022/23, kurse skuadrës i ka prirë në 27 ndeshje zyrtare duke shënuar 11 fitore, 11 barazime dhe 5 humbje.

Prishtina këtë sezon gjendet në vendin e katër dhe nuk ka fitore në shtatë ndeshjet e fundit.