Presidentja Osmani takon Malinda Kelmendin: Një emër që na bën krenarë në arenën botërore

Presidentja e Kosovës, Vjosa Osmani të mërkurën ka takuar në Presidencë kampionen e parë olimpike të Kosovës, Majlinda Kelmendin.

E para e vendit tonë përmes rrjeteve sociale, ka thënë se Majlinda Kelmendi është një shembull që duhet ndjekur.

“Një emër që na bën krenarë në arenën botërore dhe që vazhdon të na frymëzojë çdo ditë, jo vetëm secilin qytetar të Kosovës, por edhe miliona sportistë botërorë. Një shembull që duhet ndjekur me punën dhe përkushtimin e pashoq dhe e cila ngriti flamurin tonë në piedestalin më të lartë!”, ka shkruar Osmani.