Presidenti Ademi uron Dardanet e reja: Ky sukses dëshmon talentin e lojtareve tona

Presidenti i FFK-së, Agim Ademi e ka uruar Kombëtaren e Kosovës U19 në konkurrencën e fermave për suksesin e arritur.

Dardanet e reja patën paraqitje fantastike në kuadër të Grupit 3 në Ligën B në rrethin e dytë të kualifikimeve për Evropianin 2024, duke realizuar tri fitore.

“Kombëtarja e Kosovës U19 ka avancon në Ligën A për ciklin e ardhshëm kualifikues.

Dardanet e reja patën paraqitje fantastike në kuadër të Grupit 3 në Ligën B në rrethin e dytë të kualifikimeve për Evropianin 2024, duke realizuar tri fitore.

Pas fitoreve ndaj Gjibraltarit dhe Luksemburgut, vashat e drejtuara nga Albina Rrahmani realizuan fitore edhe në ndeshjen e tretë dhe vendimtare kundër Izraelit, me rezultat 2:1, duke na bërë krenarë për këtë arritje.

Ky sukses dëshmon talentin e lojtareve tona, por edhe punën e mirë që ka bërë stafi i trajnereve për këtë cikël kualifikues.

Përgëzoj vajzat e Kombëtares dhe stafin e trajnereve për triumfin në Gjibraltar dhe i inkurajoj të vazhdojnë të punojnë me përkushtim drejt sukseseve të radhës”, ka shkruar Ademi.