Pioli pas fitores ndaj Verona-s: Treguam performancë të lartë

Trajneri i Milanit, Stefano Pioli është shprehur i kënaqur me fitoren dhe paraqitjen e të besuarve të tij ndaj Verona-s.

“Rossonerët” mundën Verona-n në udhëtim (1-3), të dielën në kuadër të elitës së futbollit italian.

“Ne luajtëm mirë ndeshjen, ndoshta mund të ishim më të vëmendshëm me rastin e golit të tyre që ishte shumë i bukur”, ka thënë Pioli.

“Mendoj se ne ishim një ekip i mirë dhe krijuam shumë raste. Treguam performancë pozitive”, ka thënë strategu italian.

Pas kësaj fitore, Milan ngjitët në vendin e dytë me 62 pikë, tri më shumë së Juve në vendin e tretë, derisa Interi mbetet lider i tabelës.