Pioli këshillon Leaon dhe tregon favoriten e Serisë A

Vigjilja e ndeshjes me Lacion është mjaft delikate për Milanin pasi në mesjavë e pret edhe një tjetër duel i rëndësishëm në Ligën e Kampioneve.

Trajneri kuqezi nuk e ka cilësuar një ndeshje vendimtare atë ndaj Lacios duke theksuar se në fakt është një skuadër tjetër që është favorite për të fituar në këtë sezon. Ndësa ka një “këshillë” për Leaon, prej të cilit pret më shumë.

“Mund të thuhet se jemi mirë. Duam të gjejmë vazhdimësi që të bëjmë mirë në kampionat dhe në Ligën e Kampioneve. Nesër është ndeshja më e rëndësishme. Kemi përjetuar gjithmonë gjithçka me shumë ekuilibër, derbi nuk ishte fundi i rrugëtimit tonë, por një fillim i ri nga i cili ta rinisim. Tani nuk jemi perfekt, nuk jemi të pagabueshëm, por mund të hedhim në fushë nesër paraqitjen tonë më të mirë.

Lacio luan bashkë prej vitesh, me një trajner të mirë dhe ka linja loje të dallueshme, me shumë shpejtësi dhe cilësi. Përtej momentit që po kalojnë, dhe janë mirë, janë një skuadër e fortë.

Titulli? Në maj do e shohim. Janë katër skuadra në luftë për titullin, me Juventusin favorite, sepse të mos luash në kupa të jep ndonjë pikë më shumë’, tha Pioli në konferencën për shtyp.