Pioli i kënaqur me fitoren ndaj Napolit: Jemi në rrugën e duhur

Trajneri i Milanit, Stefano Pioli, ka thënë se është i kënaqur me fitoren dhe paraqitje e të besuarve të tij në duel me Napolin.

“Rossonerët” mundën kampionët në fuqi (1-0), të dielën mbrëma në ‘San Siro’, sfidë kjo e zhvilluar në kuadër të Serie A.

“Jemi të lumtur me fitore. Luajtëm mirë në pjesën e parë dhe ndoshta mund të kishim bërë më shumë. Ne duhet të qëndrojmë të fokusuar siç ishim sot. Jemi në rrugën e duhur”, ka thënë Pioli.

Ai ka lavdëruar autorin e golit Theo-n dhe Gabbia-n.

“Theo është i fortë. Ka fizik dhe teknikë të shkëlqyer dhe fakti që ai shënon gola të tillë na ndihmon shumë. Ai duhet të vazhdojë kështu”.

“Gjithashtu Matteo është i rëndësishëm për ne. Ai është rikthyer më i përgatitur dhe më i pjekur”, ka pohuar tekniku italian.