Pioli flet për Ibrën: Isha më fat që e kam stërvitur atë

Trajneri i Milanit, Stefano Pioli, në konferencën për media, para ndeshjes me Newcastle, ka folur edhe për vizitën që i bëri skuadrës ‘Rossonere’ ish-ylli i tyre, Zlatan Ibrahimoviç.

Milani sonte do të përballet me Newcastlen në sfidën e parë të fazës së grupeve në Ligën e Kampionëve.

Sipas teknikut italian, suedezi, i cili pak kohë më parë u pensionua nga loja aktive, kujdeset për milanistët.

Pioli thotë se ishte me fat që ka stërvitur një lojtar si Ibra.

“Ne e dimë se sa ai kujdeset për ne. Unë isha një trajner me fat që e stërvita. Ai më kërkoi lojtarë të rinj. Ne jemi miq të mirë”, ka thënë Pioli.

Ndeshja Milan-Newcastle fillon në orën 18:45.