Pengjet në Gazë, armët bërthamore të Iranit- Netanyahu dhe Trump diskutojnë sot krizat e mëdha

Kryeministri Benjamin Netanyahu dhe presidenti amerikan Donald Trump pritet të flasin përmes telefonit.

Të dy udhëheqësit do të diskutojnë bisedimet e pengjeve të Gazës dhe negociatat bërthamore midis SHBA-së dhe Iranit.

Mediat izraelite bëjnë të ditur se pas disa përpjekje nga SHBA-ja dhe Egjipti për të bindur Izraelin dhe Hamasin që të bien dakord për një propozim urë dështuan, SHBA-të janë të vendosura të provojnë sërish këtë javë dhe çështja do të diskutohet kur kryeministri i Katarit Mohammed bin Abdulrahman al-Thani të arrijë nesër në Uashington për takime me Sekretarin e Shtetit të SHBA-së Marco Rubio dhe të dërguarin e posaçëm të SHBA-së për Lindjen e Mesme Steve Witkoff.

Kjo do të jetë telefonata e parë mes Netanyahut dhe Trump që kur kryeministri izraelit vizitoi Shtëpinë e Bardhë dy javë më parë.