Osmani uron 76 vjetorin e NATO-s: Kosova e gatshme për anëtarësim

Presidentja e Kosovës, Vjosa Osmani, ka uruar NATO-n për 76 vjetorin e themelimit të Aleancës, duke e vlerësuar atë për rolin e saj në ruajtjen e paqes dhe sigurisë globale.

“76 vjet uniteti, forcë dhe paqe — urime @NATO”, ka shkruar Osmani në llogarinë e saj në X. Ajo ka theksuar se NATO është një aleancë e ndërtuar jo vetëm mbi fuqinë, por mbi qëllimin, duke u mbështetur në besimin e përbashkët për mbrojtjen e lirisë, dinjitetit dhe paqes.

“Njëzet e gjashtë vjet më parë, NATO ndihmoi për të shpëtuar miliona jetë në Kosovë. Ajo ende mbetet shtylla kurrizore e paqes dhe sigurisë — në rajonin tonë, në të gjithë Evropën dhe në mbarë botën”, ka shtuar presidentja.

Osmani ka përmendur gjithashtu gatishmërinë e Kosovës për të kontribuar në sigurinë globale, duke theksuar se Kosova është e gatshme të “dëgjojë krah për krah me aleatët e saj” dhe të vazhdojë të qëndrojë si partner dhe kontribues.

Ajo ka përfunduar me theksimin se anëtarësimi i Kosovës në NATO është një “kapitull i ardhshëm në një udhëtim të përbashkët për paqe dhe siguri afatgjatë”.