Osmani priti në takim Walker: E vërteta e Reçakut është e pamohueshme

Në prag të përvjetorit të Masakrës së Reçakut, Presidentja Vjosa Osmani priti në takim Ambasadorin William G. Walker, të cilin e falënderoi për kontributin e tij për të vërtetën për Reçakun.

Sipas Presidentes Osmani, Masakra e vitit 1999 nga regjimi gjenocidal i Serbisë është kujtesë e përhershme për 45 burrat, gratë dhe të moshuarit, të cilët u masakruan brutalisht më 15 janar 1999.

“E vërteta e Reçakut është e pamohueshme”, ka potencuar Presidenjta Osmani, njofton Presidenca.