Osmani: Bullgaria, partnerja dhe aleatja e vazhdueshme e Kosovës

Presidentja e Kosovës, Vjosa Osmani, ka theksuar se Bullgaria është një partnere dhe aleate e vazhdueshme e Kosovës.

Ajo e ka bërë këtë deklaratë pas një takimi bilateral me Presidentin e Bullgarisë, Rumen Radev, ku diskutuan forcimin e partneritetit ndërmjet dy shteteve, me fokus të veçantë në fushën e mbrojtjes.

“Në takim bilateral me Presidentin Rumen Radev, diskutuam forcimin e partneritetit ndërmjet dy shteteve në veçanti në fushën e mbrojtjes. E falënderova për mbështetjen e vazhdueshme të Bullgarisë për rrugëtimin tonë euro-atlantil”, ka shkruar Osmani në rrjete sociale.