Operatorët kryesorë në Shqipëri mbyllin aksesin në TikTok, vendimi i qeverisë nis të zbatohet

Operatorët kryesorë në Shqipëri kanë mbyllur sot aksesin në platformën TikTok, pas një urdhri të lëshuar nga Autoriteti Kombëtar për Sigurinë Kibernetike.

Sipas shifrave, përdoruesit shqiptarë në këtë aplikacion llogariten në 1.5 milion.

Autoriteti Kombëtar për Sigurinë Kibernetike në bashkëpunim me Agjencinë e Komunikimeve Elektronike i kanë kërkuar kompanive të internetit të marrin masa për bllokimin e aksesit në TikTok në territorin shqiptar brenda ditës së enjte (13 mars).