Olmo para sfidës me Francën: Do të jetë një tjetër finale

Sulmuesi i Spanjës, Dano Olmo e pranon se dueli me Francën nuk do të jetë ndeshje e lehtë, por ai beson se skuadra e tij, mund të mposht ‘Gjelat.

Spanja dhe Franca do të ndeshen nesër mbrëma në gjysmëfinalen e parë të Evropianit ‘Gjermani 2024’.

Olmo, i cili ishte njeriu i ndeshjes në fitoren e Spanjës kundër Gjermanisë, me një gol dhe një asist, thotë se Franca pavarësisht formës jo të mirë, megjithatë, sipas tij, francezët janë skuadër e madhe.

“Edhe pse nuk ka luajtur aq mirë në këto ndeshje, Franca mbetet një nga skuadrat më të mëdha. Nuk kanë ardhur deri këtu rastësisht. Mendoj se do të jetë një tjetër finale, sepse ua dimë nivelin që kanë. Ne kemi ecur mirë dhe duhet të vazhdojmë të përmirësohemi në të gjitha aspektet. I njohim shumë mirë dhe do të jemi gati për gjithçka”, ka thënë Olmo.

Ndeshja Spanjë-Francë fillon në orën 21:00.