Nuk po rinovon me Atleticon, Juventusi dhe Milani gati të përfitojnë

Sirena italiane për Mario Hermoson. Qendërmbrojtësi spanjoll (luan edhe si i majtë) ndodhet në vitin e fundit të kontratës me Atletico Madrid, klub ku luan prej verës së vitit 2019.

28-vjeçari ka refuzuar deri tani propozimet e kontratës së re. Dhe nëse nuk rinovon, atëherë do të largohet me parametra zero.

Juventusi e pëlqen, teksa së fundmi ka interesim edhe nga Milani. Me kuqezinjtë që kërkojnë një qendërmbrojtës për sezonin e ardhshëm.

Por dy klubet e mëdha italiane duhet të kenë kujdes nga Aston Villa, që ka nisur prej kohësh bisedimet me agjentin e Hermosos.

Për momentin, anglezët janë të avantazhuar në krahasim me Juven dhe Milanin për të firmosur me futbollistin nga Madridi. Autor i 5 ndeshjeve me kombëtaren spanjolle.