“Nuk ka vend për të dy në ekip”, Zbulohet “prapaskena” te PSG-ja, si Mbappe kërkoi largimin e Neymarit nga klubi

Neymar do të largohet në drejtim të Arabisë Saudite teksa pritet të bashkohet së shpejti me skuadrën e Al Hilalit pasi palët kanë arritur akordin mes tyre.

“L’Equipe” raporton se braziliani u informua nga drejtuesit e klubit se nuk është më i dëshiruar dhe se shkaku ka qenë shoku i tij i skuadrës, Kylian Mbappe.

Një media braziliane më pas e ka shpërndarë në profilin e saj teksa shkruan se ylli francez kërkoi largimin e sulmuesit brazilian. Ky i fundit ka pëlqyer postimin duke nxitur spekulimet që ky lajm është i vërtetë.

“Verën e kaluar, Kylian Mbappe ia bëri të qartë drejtuesve të PSG-së se nuk ka vend për të dhe Neymar në të njëjtën skuadër”, thuhet në postim. /Panoramasport