Nuamah në Everton?

Klubi anglez Everton raportohet se është afër arritjes së marrëveshjes për transferimin e Earnest Nuamah nga Lyon.

“Foot Mercato” raportoi të dielën se kanë mbetur vetëm disa detaje të vogla për t’u përmbyllur marrëveshja.

Nuamah, i cili ka kontratë me Lyonin deri në verën e vitit 2028, ka shënuar dy gola në 16 ndeshje gjatë këtij sezoni.

Nëse gjithçka shkon sipas planit, Nuamah do të bëhet transferimi i parë i trajnerit të ri të Evertonit, David Moyes.

Nuamah iu bashkua Lyonit verën e kaluar nga Nordsjaelland.