“Ngacmimi i të fejuarës”, dalin detaje shtesë rreth vrasjes me thikë në Tiranë

Të tjera detaje kanë dalë mbi ngjarjen e rëndë të ndodhur në Tiranë, ku mbeti i vdekur pas një sulmi me thikë një 34-vjeçar.

Sipas burimeve për Euronews Albania, bëhet me dije se shkak për vrasjen ishte bërë ngacmimi nga ana e e të ndjerit, ndaj të fejuarës së autorit të vrasjes.

Po ashtu mësohet se viktima ka shkuar në gjendje të rëndë në spital, ku më pas ka ndërruar jetë për shkak të plagëve të rënda, pas katër sulmeve me thikë, dy në gjoks dhe dy në këmbë, transmeton Klankosova.tv.

Ndërkohë vijon puna nga ana e grupit hetimor për zbardhjen e plotë të shkaqeve të ngjarjes.