Nga sot diplomati danez Peter Sorensen është zyrtarisht emisar i dialogut

Nga sot zyrtarisht në krye të dialogut Kosovë-Serbi do të jetë diplomati nga Danimarka, Peter Sorensen.

Paraardhësi i tij, Miroslav Lajçak, dje përmes një postimi tha se pas 4 vitesh e 10 muajsh si emisar po ia dorëzon detyrën Sorensenit, duke e quajtur këtë detyrë mision sfidues.

Peter Sorensen nga Danimarka ka përvojë më të madhe diplomatike në strukturat evropiane se sa në shtetin nga ai cili vjen.

Mes tjerash ka shërbyer si shef i delegacionit të BE-së në Bosnjë e Hercegovinë dhe Maqedoninë e Veriut.

Ndërsa në Kosovë ai mes viteve 2002 deri në vitin 2006, Sørensen shërbeu si Zëvendës Shef i Shtyllës IV të BE-së të UNMIK-ut si dhe drejtor i Zyrës Evropiane.