Në Etihad apo Emirates? Mësohet se ku do të qëndrojë trofeu në ndeshjen e fundit të Ligës Premier

E diela e kësaj jave do të jetë e fundit në Ligën Premier me Manchester Cityn me Arsenalin që do ta dinë përfundimisht se kush do ta ngrit lart trofeun e kampionit.

Manchester City shkon në ditën e fundit të sezonit 2023/24 të Ligës Premier me një avantazh prej dy pikësh pasi mposhti Tottenhamin me rezultat 2–0 të martën mbrëma.

Megjithatë, Arsenali mund të fitojë ende titullin nëse mposht Evertonin të dielën dhe skuadra e Pep Guardiolës humb pikë kundër West Hamit në shtëpi.

Zyrtarët e Premier League kanë siguruar logjistikë të qetë duke përgatitur trofe dhe medalje të dyfishta për të dy ekipet në stadiumet Etihad dhe Emirates.

Të dy vendet do të kenë podiume identike dhe shfaqje me fishekzjarrë për një festë të qetë në atë vend ku njëra skuadër fiton titullin kampion në ditën e fundit.

Trofeu zyrtar mbetet i pagdhendur deri pas ndeshjes finale, ku skuadra fituese e merr atë për ta mbajtur për vitin e ardhshëm pas festimeve.