Ndërroi jetë veterani i UÇK-së, Haki Limani

Gjatë ditës së sotme ka ndërruar jetë njëri ndër komandantët të Koshares, Haki Limani, i njohur si komandant “Plaki”.

Organizata e Veteranëve të Luftës së Ushtrisë Çlirimtare të Kosovës, dega në Ferizaj, ka ngushëlluar familjen Limani.

Për vdekjen e tij ka njoftuar ish ministri i mbrojtjes, Rrustem Berisha, ku përmes një postimi në facebook u shprehë se Limani gjatë Epopesë së Koshares asnjëher nuk e hoqi plisin e bardhë nga koka, duke qenë shembull i dashurisë për atdheun dhe luftëtar i paepur për liri.

“Me dhimbje të thellë ju njoftojmë se ka ndërruar jetë bashkëluftetari ynë nga Ferizaj, Haki Limani- Komandant “Plaki”.

Komandant Plakin, e njoha në ditët e lavdisë së luftës sonë çlirimtare kur ai bashkë me djalin e tij Arbenin, ju bashkuan Brigadës 138 “Agim Ramadani” të UÇK-së.

Ceremonia mortore –  06 prill 2025 (e diel)

10:00 – akademia përkujtimore – Teatri “Adriana” – Ferizaj
11:00 – nisja për Koshare në mënyrë të organizuar – nisja nga Palestra e sporteve “Bill Clinton” – Ferizaj
14:00 – varrimi në varrezat e veteranëve në Kompleksin e Heronjve të Brigadës 138 “Agim Ramadani”, në Koshare.