Nainggolan rrëfen tmerrin: Më trajtuan sikur të isha Eskobari

Radja Nainggolan, ish-mesfushori i Cagliarit, Romës dhe Interit, foli sërish për rastin në të cilin ishte përfshirë së fundmi (arrestimi me akuzën e pastrimit të parave në Belgjikë, dhe më vonë u lirua).

“Arrestimi? Ishte ora gjashtë në mbrëmje kur më paraqitën para hetuesit, më morën në pyetje për katër orë dhe më thanë se do të kaloja natën në qeli. Deklaruan se kishin kapur një trafikant droge, dukej sikur kishin arrestuar Eskobarin, ndonëse përfshirja ime në këtë rast ishte vetëm sepse një miku im është i përfshirë. Ata donin të dinin se çfarë marrëdhënie kisha me të, nuk kishte pyetje për drogën. Burgu ishte një përvojë e çuditshme që nuk do të doja ta përsërisja”, ka thënë Nainggolan.