Musliu-Shoshi, Kurtit: Historia do të të njohë si përçarës i kombit shqiptar

Deputetja e PDK-së, Ariana Musliu-Shoshi, e ka kritikuar kryeministrin Albin Kurti, i cili dje ka thënë se në Maqedoni të Veriut nuk po rrezikohet gjuha shqipe.

Ajo ka vlerësuar se kryeministrin Kurtin historia do ta njohë si lider përçarës të kombit shqiptar.

Në profilin e saj në “Facebook”, ajo ka shkruar se një lider që pretendon të mbrojë interesat kombëtare nuk mund të përfshihet në retorika që dëmtojnë arritjet e shqiptarëve në Maqedoni.

“Historia do të njeh si lider PËRÇARËS i kombit shqiptar! Një lider që pretendon të mbrojë interesat kombëtare nuk mund të përfshihet në retorika që dëmtojnë arritjet e bashkëkombësve në rajon. Në vend që të shërbejë si urë lidhëse mes shqiptarëve kudo ku ndodhen, Kurti po ndjek një linjë që forcon ndasitë dhe krijon konflikte të panevojshme. Bashkëpunimi dhe uniteti janë rruga drejt suksesit!”, ka shkruar ajo.