Moti sot, kryesisht me diell dhe mjegull në mëngjes

Mbi vendin tonë sot do të mbajë mot kryesisht me diell, i ngjashëm me ditët e mëparshme. Ngrica dhe mjegull në mëngjes.

Sipas Institutit Hidrometeorologjik të Kosovës, vlerat e temperaturave minimale do të lëvizin ndërmjet -5 deri në -2 gradë Celsius, ndërsa maksimalet e ditës parashihen të lëvizin ndërmjet 5 deri në 8 gradë Celsius, raporton RTKlive.

Gjatë ditës sot do të fryjë erë nga verilindja me shpejtësi 1-4 m/s. IHMK porosit që pjesëmarrësit në trafik të kenë të kujdes për shkak të kushteve të ngricave dhe mjegullës.