Moti në Shqipëri, temperatura deri në 36 gradë

Shqipëria do të ndikohet nga kushte atmosferike kryesisht të qëndrueshme. Moti parashikohet i kthjellët në të gjithë territorin, ndërsa prej orëve të mesditës deri pasdite vonë alternime vranësirash të cilat në relievet malore do të jenë të dendura.

 

Në relievet malore në lindje dhe ato të zonës së jugut priten reshje shiu afatshkurtra dhe të dobëta në formë pikash.

Era do të fryjë me drejtim veriperëndim-jugperëndim me shpejtësi mesatare 8 m/s, ndërsa në lugina dhe bregdet pritet të fitojë shpejtësi 14 m/s,  shoqëruar me valëzimin në dete të forcës 1-3 ballë.

Temperaturat parashikohen:

Në zonat malore 13 deri 31°C;

Në zonat e ulëta 14 deri 36°C;

Dhe në bregdet 17 deri 36°C.