Moti në Shqipëri
Shërbimi Meteorologjik Ushtarak njoftoi se ditën e hënë vendi ynë parashikohet të ndikohet nga kushte atmosferike relativisht të qëndrueshme.
Sipas SHMU moti sot parashikohet i kthjellët në të gjithë territorin, përjashtuar vranësirat mesatare e hera-herës të dendura në dy ekstremet veri e jug, kryesisht në pjesën e parë të ditës.
Vranësirat në zonën veriperëndimore parashikohet të shoqërohen me reshje shiu me intensitet të ulët, ndërsa nga orët e mesditës pritet ndërprerja e tyre graduale.
Era do të fryjë me drejtim juglindje-jugperëndim me shpejtësi mesatare 6 m/sek, ndërsa përgjatë vijës bregdetare e lugina era fiton shpejtësi deri në 14 m/sek, shoqëruar me valëzim në dete të forcës 2-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 6/13 | Re shi diell |
| Kukës | 1/9 | Re diell |
| Lezhë | 6/14 | Re shi diell |
| Dibër | 3/12 | Re diell |
| Durrës | 9/16 | Re diell |
| Tiranë | 10/15 | Re diell |
| Elbasan | 6/18 | Re diell |
| Berat | 6/18 | Re diell |
| Vlorë | 8/17 | Re diell |
| Korçë | 0/12 | Re diell |
| Gjirokastër | 0/15 | Re diell |
| Sarandë | 8/16 | Re diell |