Moti në Shqipëri

Për ditën e sotme (13 qershor) vendi ynë do të ndikohet nga kushte atmosferike të qëndrueshme. Moti parashikohet i kthjellët në të gjithë territorin e vranësira të pakta deri mesatare në relievet malore në juglindje gjatë orëve të mesditës deri pasdite.

Vranësirat do të shoqërohen me reshje lokale shiu në formë pikash në majat e maleve në juglindje.

Era do të fryjë me drejtim verilindje – veriperëndim me shpejtësi mesatare 8 m/s, ndërsa në lugina dhe bregdet do të fitojë shpejtësi 14 m/s,  e shoqëruar me valëzimin në dete të forcës 1-3 ballë.

Temperaturat parashikohen:

Në zonat malore 13 deri 27 °C;

Në zonat e ulëta 12 deri 35 °C;

Dhe në bregdet 18 deri 31 °C.