Mot me vranësira dhe intervale dielli

Instituti Hidrometeorologjik i Kosovës njofton se për ditën e shtunë parashikohet mot kryesisht i vranët me intervale me diell.

Temperaturat do të jenë tipike për stinën e pranverës, duke krijuar kushte të favorshme për aktivitete në natyrë. “Qytetarët mund të shfrytëzojnë motin për shëtitje, punë të lehta në kopshte, serra apo oborre, si dhe aktivitete rekreative në ambiente të hapura”, thuhet në njoftim.

Për bujqit dhe fermerët, rekomandohet të marrin masa preventive për të mbrojtur prodhimin dhe kulturat nga ndikimi i kushteve të pafavorshme të motit.

Detajet për ditën e shtunë:

Temperaturat: Minima do të variojnë nga 1°C deri në 3°C, ndërsa maksimalet nga 14°C deri në 17°C.

Era: Do të fryjë nga verilindja me shpejtësi 1-5 m/s.