Mediet angleze: Armando Broja, në bisedime me katër klube

Armando Broja më në fund është gati t’i japë fund makthit të tij me Chelsean këtë verë. Sulmuesi 23 vjeçar, është në bisedime me katër pretendentë të mundshëm.

Sulmuesi kuqezi u kushtëzua nga dëmtimet. Kur ishte i aftë të luante përsëri, sezoni pothuajse kishte mbaruar dhe lojtarë të tjerë tashmë e kishin vendosur veten në ekip.

Burime kanë thënë për SunSport se AC Milan dhe Ajax janë në kontakt, ndërsa bisedimet me skuadrën holandeze PSV dhe RB Leipzig të Gjermanisë kanë filluar tashmë.

Broja shpërtheu në skenë gjatë një periudhe të shkëlqyer huazimi te Southampton në sezonin 2021/22, duke shënuar gjashtë gola në ligë me kombinimin e tij të shpejtësisë, fuqisë dhe lëvizjes së zgjuar.

Por dëmtimet dhe konkurrenca për vende te Chelsea e bënë atë të binte poshtë në renditjen e lojtarëve.

Me Blues që synojnë përsëri një numër 9 të ri këtë verë, ditët e tij në Stamford Bridge duken të numëruara.

Kontrata e sulmuesit shqiptar të lindur në Londër me Chelsean është deri në vitin 2028, me një opsion zgjatjeje të kontratës me klubin, por SunSport kupton se lojtari dëshiron një transferim të përhershëm.

Chelsea është i gatshëm të bëjë biznes, me një tarifë prej rreth 20 milionë eurosh, mund t’i bëjë ata të bien dakord për një shitje të plotë të një lojtari që ka dalë nga akademia.

Me kualifikueset e Kupës së Botës që po afrojnë dhe Shqipërinë që ka nevojë për talentin e tij, Broja është i vendosur të bëjë lëvizjen e duhur dhe të rikthehet në formën e tij më të mirë.