Mediat në Izrael: Nasrallah ishte në bunker gjatë sulmit, vështirë të ketë mbijetuar

Gati dy orë pas sulmit me raketa mbi disa godina që përdoreshin si qendra e Hezbollahut në Bejrut të Libanit, fati i liderit Sayyed Hassan Nasrallah është ende i paqartë.

Reuters, duke cituar burime nga Hezbollah raporton se Nasrallah është ende gjallë.

Edhe Agjencia e Lajmeve Tasnim, e kontrolluar nga Irani kanë raportuar se ai i ka mbijetuar sulmit.

Mediat në Izrael raportojnë se gjasat janë që Hasrallah të ketë humbur jetën.

“Zyrtarët izraelitë dyshojnë se lideri i Hezbollahut, Hassan Nasrallah ishte në bunkerin e shënjestruar në bombardimet e fundit dhe kushdo brenda do ta kishte shumë të vështirë për t’i mbijetuar një sulmi të tillë”, shkruan Jerusalem Post.

Gjashtë godina shumëkatëshe u sheshuar nga sulmi izraelit me raketa, pasditen e sotme në Bejrut të Libanit.