“Me ose pa mua…”, Xhaka ndez merkaton nga Salt Lake City

Granit Xhaka ka ndezur edhe më shumë zërat e merkatos pas një përgjigje të dhënë nga Salt Lake City ku Zvicra është gruumbulluar për të luajtur miqësoren me Meksikën.

32-vjeçari, i cili është nën kontratë me Leverkusenin deri në 2028-ën, është pyetur për të ardhmen pas zërave që flasin për një transferim të tij në Milano.

“Nga Leverkuseni janë larguar ose po largohen disa lojtarë kyç. Ky është një proçes që kërkon shumë energji dhe një situatë të tillë e kam kaluar edhe në 2019-ën kur luaja në Londër me Arsenal. Të them të drejtën tani jam 32 vjeç dhe nuk kam më energjitë që kisha dikur. Në Leverkusen kemi humbur disa lojtar të rëndësishëm, por në këtë drejtim them se si Rolfes dhe Karro do të jenë në gjendje që të ndërtojnë një ekip të fortë me ose pa mua në përbërje”, komentoi Xhaka.