Mbappe “ndez” zërat: Po, tani spanjollët do të më shohin pak më shumë!

Duke folur në një konferencë për shtyp nga grumbullimi i kombëtares franceze, Kylian Mbappe ka ndezur edhe një herë zërat për të ardhmen e tij, me kontratën e sulmuesit me Paris Saint-Germain që skadon në verë.

Sulmuesi francez tha me shaka në prag të ndeshjes miqësore ndaj Kilit, se po në Spanjë do e shohin pak më shumë.

“Tchouameni tha se do të më shohin më shumë në Spanjë? Epo, me PSG-në luajta kundër Real Sociedad dhe tani Barcelona na pret në çerekfinale të Champions League. Nëse shkojmë më tej, ndoshta do të përballemi me Atletico Madridin e Simeones në gjysmëfinale. Kështu që unë do të thosha po, spanjollët patjetër do të më shohin pak më shumë”, deklaroi Mbappe.