Maresca flet si trajner i Chelsea: Një nga klubet më të mëdha në botë

Chelsea ka zyrtarizuar trajnerin, italianin Enzo Maresca, i sapodalë nga promovimi (me suksesin në Championship) në krye të Leicester.

Për të ka një kontratë deri më 30 qershor 2029 me londinezët, brenda së cilës ekziston edhe opsioni për të vazhduar marrëdhënien profesionale edhe për një vit.

Pronësia, nën figurën e Todd Boehly, e mirëpriti atë në kanalet zyrtare të klubit: “Ne jemi të emocionuar që mund të mirëpresim Enzon në familjen Chelsea. Planifikojmë ta mbështesim atë dhe pjesën tjetër të ekipit në mënyrë që ata të mund të tregojnë potencialin e tyre dhe pritshmëritë tona ndaj tyre. Ai është një teknik me talent të madh, një lider për të cilin jemi të bindur se mund të na udhëheqë drejt vizionit dhe objektivave të klubit”.

Ndërkohë, trajneri italian është shprehur: “Është një ëndërr për çdo trajner që të jetë në gjendje të bashkohet me Chelsea, një nga klubet më të mëdha në botë. Kjo është arsyeja pse jam shumë i emocionuar nga mundësia. Mezi pres të punoj me një grup të tillë lojtarësh të talentuar, për të zhvilluar një ekip që vazhdon traditën e suksesit i bën tifozët tanë krenarë”.