Luis Enrique: Këtu për të fituar trofe si ky, jemi të qetë

Pas Interit, në “Allianz Arena” mbërriti edhe PSG për të testuar ambientin përpara finales së Champions League dhe për të diskutuar ndeshjen e madhe në një konferencë për shtyp.

Dhe Luis Enrique i mban nervat e tij të qëndrueshme dhe predikon qetësi. “Mbaj mend që në prezantimin tim thashë se qëllimi im ishte të fitoja një trofe të rëndësishëm, ky trofe është Champions League”.

“Ka shumë pritshmëri, por ne arrijmë me qetësi, vetëdije – deklaroi trajneri i klubit parisien -. Mendoj se e rëndësishme është që nëse kemi ardhur këtu duke luajtur në këtë mënyrë, duhet të vazhdojmë të luajmë kështu”.

“Lojtarët e mi janë të rinj por edhe me eksperiencë, kanë luajtur shumë ndeshje, madje edhe ndeshje me eliminim direkt, sa më shumë të luash aq më shumë eksperiencë fiton – shtoi ai –. Nuk kam pasur kurrë frikë të nxjerr në fushë lojtarë të rinj, më pëlqen fakti që duhet të luajnë më të mirët, pa menduar për moshën”.